الله معك...
بيخَبرو عن صبي زغير ياباني زار رجّال مُحتَرَم وغني كتير، وعرَض يبيعو شويِّة بطاقات وصُوَر مُقابِل ١٠ باوند للصورة.
سألو الرِجّال :
«شو رح تعمل بهالمصاري؟»
جاوَبو الصبي :
«عَم جَمِّع مليون باوند تساهِم بالدراسات يَلّي عم بتصير، بَلكي بيلاقو دوا لمرض السيدا بأفريقيا».
تطَلَّع الرجّال بالصبي وضُحِك لأنّو الصبي كتير زغير والمبلغ كتير كبير، وقَلّو :
«مليون باوند قلتِلّي، وكيف رح تجمِّع هالمبلغ وحدك؟»
جاوَب الصبي :
«لأ مَنّي وحدي، في معي زغير تاني عَم بيساعِدني».
الزوّادة بتقلّي وبتقلَّك :
«أعمال المحبِّة بتطَلَّب ناس من النوع يَلّي بيعملو تغييرات جذريِّة بالحياة بلا ما حدا ينفُخ قدّامُن بالبوق أو يدقِّلُّن الطبول...
خلّينا نكون من هالناس، ونعرف نتاجِر بالوزنات يَلّي الله عطانا ياها، وهيك منُصنَع السلام ومنِبني حضارة المحبِّة».
المصدر : صوت المحبّة
