السما والأرض بتخبِّر عن حُبَّك للبشر، وعن حنانك علينا نحنا أبناءك وبناتك، اللي منرفعلك قلوبنا وأفكارنا وعقولنا صوبك فعل شُكر لأِلك يا ربّ عا كلّ نِعَمَك اللي بتفيضا علينا.


أجمل صلاة يا ربّي يسوع هيّي لمَّن منوقف قدّامك متل ما نحنا، بضعفنا وقوِّتنا، حاملينلك قلوبنا وعم نفرح لأنَّك بدَّك تِجي وتِسكُن فيها.


أجمل صلاة يا ربّي يسوع هيّي اللي علَّمتا لتلاميذك، ولإلنا من خلالُن، وهيّي إننا نعترف فيك الملك عا حياتنا، والقائد الأوحد لسفينة حياتنا.


أجمل صلاة يا ربّ يسوع هيّي صلاة الأبانا اللي فيها منعترف فيك بيّنا، ولمَّن منطلب حضورك بكلّ لحظة بحياتنا، ومِنَّك منستمِدّ القوِّة تا تستمرّ حياتنا، لأنَّك لإلنا السند والمُعين.


وقدَّيشو حِلو بس صُعب كلامك اللي بتدعينا فيه للمغفرة والتسامح، بس رح نحاول نكون عا حسب رغبة قلبك.

/الخوري يوسف بركات/