الله معك...
بيخَبرو عن الملِك لويس الرابع إنّو كان مَحبوب حُبّ كبير مِن قادِة جَيشو، لدَرَجِة إنُّن ما كانو يُرفضولو وَلا طَلَب، وكانو ينَفّذو الطَلَبات بِحَرفِيَّتها.
بيَوم مِن الإيّام قال المَلِك لأحد قادِة الجيش :
«أنا أكيد إنّي شو ما رح أُطلُب رح بتنَفِّذ حتَّى لَو قِلتِلَّك كِبّ حالَك بالمَيّ».
قام القائِد بسرعة مِن مَحَلّو ورَكَض، سأَلو الملِك :
«لوين رايح؟»
جاوَب :
«رايِح يا مولاي إتعَلَّم السباحة».
الزوّادة بتقلّي وبتقلَّك :
«لـمّا بتُطلُب أيّ طَلَب مِن الناس حَطّ حالَك مَحَلُّن، إذا قادِر تنَفِّذ الطَلَب طَلَبو، إذا لأ، ما تِترَدَّد إنّو تِلغيه». والله معك.
المصدر : صوت المحبّة
