٥٠٠ دولار
05Feb
الله معك...
بيوم من الإيّام، وكان في محاضرة، بيحمل المُحاضِر ورقة ٥٠٠ دولار وبيسأل :
«مين منكُن بدّو تكون الـ ٥٠٠ دولار من نصيبو؟»
كلّ الموجودين صرّخو بدُّن ياها.
وهون بلَّش هالمُحاضِر يجعلِك ورقة الـ ٥٠٠ دولار وسألُن من جديد :
«مين بدّو ياها؟»
الكلّ رفعو إيديهن.
قدّام هالمشهد كبّ المُحاضِر الورقة ع الأرض ودعسها حتَّى صارِت كِلّا غبرة وتراب، وأخدها بإيدو وسألُن مرَّة جديدة :
«مين بدّو الـ ٥٠٠ دولار؟»
الكل رفعو أيديهن.
بيقول المُحاضِر :
«لازم أنا وأنتَ نكون تعلَّمنا درس مهمّ كتير، مهما صار بورقة ٥٠٠ دولار هالورقة ما فقدت قيمتها والكلّ بدُّن ياها.
نحنا كمان مهما وقعنا وقسيِت علينا الحياة، وإنكمشنا ع حالنا، لازم نضلّ محافظين ع قيمتنا».
الزوّادة بتقلّي وبتقلَّك :
«إنتَ أهمّ بكتير من المال، والله حَطّ فيك طاقات كتير كبيرة..
ما تسمح لظروف الحياة تهمّشك وتقلِّل من أحلامك... إنتَ إبن الملكوت».
المصدر : صوت المحبّة
تعليقات
