الله معك...

بيخبرو عن صبي كان كلّ يوم بعد العشا يقعُد مع بَيّو تَ يحكو سوا.

بيوم من الإيّام بيسأل الإبن بَيّو إذا بيعرف شو بيقول الحيط للتاني.

بإبتسامة بيجرِّب البَي يتهرَّب مِن الجواب، حتَّى ما يقول إنّو ما بيعرف شو بيقولو الحيطان لبعض، بس الإبن ضلّ مُصِرّ ع البَي تَ يجاوبو، بسّ البَيّ بيقِلّو : 

«ما بعرف».

ساعتها بيبتِسِم الإبن وبيقِلّو : 

«الحَيط بيقول للتاني، أجمل لحظة هيّي لـمّا منلتقي ببعضنا من خلال حجر الزاوية».

الزوّادة بتقلّي وبتقلَّك :

«تعا أنا وإنتَ نتقرَّب من بعضنا ونلتقي بحجر الزاوية يلّي هوّي يسوع المسيح».

المصدر : صوت المحبّة