الله معك...


بيخبرو عن راهب كان حابِب يكون عندو زيت.

زرع شجرة زيتون وصلّى وقال لألله : «يا ربّ خلّي الدِني تشَتّي حتّى شجرة الزيتون تكبر». 

إستجاب الله لَطلبو، وكبرت الزيتونة.

من جديد صلّى الراهب للربّ وقلّو :

«زيتونتي بدها شمس، بترجّاك خلّي الشمس تشرُق ع زيتونتي». 

إستجاب الله وشرقت الشمس وراحِت الغيوم.


بعد فترة صلّى الراهب حتَّى الدِني تصقِّع وتقوى غصون الزيتونة وتنغرز شلوشها بالأرض، وهيك صار.

مع الإيّام كبرِت الزيتونة وقويت وفرَّخِت وكترت وراقها، بس بعد سنة يبسِت، زعل الراهب وخَبَّر رفيقو الراهب قصِّة الزيتونة.


قلّو الراهب :

«أنا كمان زرعت زيتونة، وكان بدّي زيت، سلَّمت الزيتونة للربّ، وطلبت مِنّو يعطيها كلّ حاجاتها، وهيك كِبرِت تحت عنايتو وبلَّشِت تعطي زيت».




الزوّادة بتقلّي وبتقلَّك :


«الربّ يلّي بيلبِّس زنابق الحقل أجمل تيابها، وبيطعمي طيور السما، أكيد ما رح يتركنا، ورح يهتمّ فيك وفيّي».

المصدر : صوت المحبّة