الله معك...

زوّادة اليوم، تلات حِكَم، إختار وحدة وجرِّب طبِّقها بحياتك :

١ . ما تتعلَّق بشي بهالدني كلنا رايحين، إذا حبَّيت، حِبّ بصمت، ما في داعي للجنون لأنّو الحياة متل المطار ناس جايي وناس رايحة.

٢ . المخدِّة بتحمل راس الغني والفقير، الزغير والكبير، الحارِس والأمير، بس ما بينام عليها، إلّا مرتاح الضمير.

٣ . تذكَّر ع طول إنَّك بكيت لـمّا خلقت والناس كانو عم يضحكو، عمول منيح بحياتك حتَّى تموت إنتَ وعَم تضحَك، والناس يبكو على غيابك. 

الزوّادة بتقلّي وبتقلَّك :

«كون بسيط وما تغرق بالتحليل... يلّي حلَّلو الإلماس إكتشفو إنّو فحم».

المصدر : صوت المحبّة