الله معك...
بيخَبرو عن فنّانة مشهورة طَلَبو مِنها تغَنّي بعَشا خَيري بيعود رَيعو لدعم الأطفال المشرَّدين بالشوارع، قدَّمِت الحفل وكان كتير ناجح، ولـمّا خُلصِت السهرة، وطُلعِت هالفنّانِة بسيّارتها، قرَّب مِنها طفل زغير عم يشحَد، قالِتلو بعصبيِّة :
«إلي ساعات بغَنّي وبرَقِّص الناس كرمالك، ما بتستحي تُطلُب مِنّي مصاري؟»
الزوّادة بتقلّي وبتقلَّك :
لـمّا بتعطي لازِم عطاءك يكون بمجانيِّة ومِن كِلّ قلبَك... ما تمَنِّن يَلّي بتعطيهن، وما تخَلّي يمينَك تعرِف شو عِملِت شمالك». والله معك.
المصدر : صوت المحبّة
