الله معك...
بيخبرو عن ضيعة ع راس جبل كتير عالي، إكتشف أهلا نبتة بتشفي من كتير أمراض بس المشكلة إنّو هالنبتة موجودة بكعب الوادي، وتَ يجيبوها لازم حدا ينزل ع حَبِل.
الكلّ كانو مجمَّعين وما حدا تشجَّع ينزل، بيوصل صبي زغير وبيقلُّن :
«أنا بنزل».
جاوَبوه :
«معقول ما بتخاف؟»
قَلُّن :
«بنزل، بسّ بشرط»
سألوه :
«وشو الشرط؟»
غاب وبعد شوي رجع ومعو رجّال، وقَلُّن :
«شَرطي إنّو هالرجّال يمسُك بالحبل».
سألوه :
«مين هالرجّال؟»
قَلُّن :
«هالرجّال بيكون بَيّي، وهيك بضمَن إنّو لو شو ما صار ما بيترُك الحبل».
الزوّادة بتقلّي وبتقلَّك :
«بالسما في عَنّا بَيّ ما بيتركنا بالمرَّة، بس ناطرنا نتِّكِل عليه وساعتها منتخطّى كلّ الصعوبات بحياتنا، لأنّو إيدنا بتكون بإيدو».
المصدر : صوت المحبّة
