الله معك...
بيخبرو عن كنايس بأفريقيا، بتنلَمّ الصينيِّة يوم الأحد بسلِّة كتير كبيرة، بيحطّو الناس فيها من محاصيل أرضُن، فواكه، خضرا، وشو ما بيطلع عندُن من خيرات.
مرَّة، كان في صبي زغير قاعد بآخر الكنيسة، صار يفكِّر بَينو وبين حالو، شو بَدّو يقدِّم للربّ وما كان معو شي، حسّ بالخجل والقلق، ولـمّا وُصلِت السلِّة الكبيرة لعندو، وقدّام دهشة الناس قعد هالصبي بالسلِّة وقال بصوت عالي :
«يا ربّ بعطيك ذاتي، هيّي الشي الوحيد يَلّي بِملكو».
الزوّادة بتقلّي وبتقلَّك :
«التقدمة مش بالكميِّة المهمّ النوعيّة... خلّينا نقدّم ذواتنا للربّ هييّ أتمن ما عنّا».
المصدر : صوت المحبّة
