الله معك...
بدعيك اليوم تتأمَّل بهالبنك يلّي بيحط بحسابك ٨٦٤٠٠ دولار بلا مقابل، بس بشرط واحد، وهوّي إنَّك تصرف كل هالمبلغ بيوم واحد، والمصاري يلّي بتبقى معك ما فيك تستفيد منها تاني يوم!!
أكيد عم تسأل شو هوّي هالبنك، وقلت بقلبك إنّو مش موجود، ومَنّو حقيقي.
بطَمنَك خيّي، هالبنك موجود، وهوّي الوقت يلّي الله بيعطينا ياه...
لتعرف قيمة السنة الدراسيِّة، تأمَّل وجّ تلميذ دَوبَل صفّو، وإذا بدَّك تعرف قيمة الشهر، بتسأل مرا ولَّدِت جنينها بالشهر التامن، وإذا بدّك تعرف قيمة الأسبوع بتسأل محرِّر جريدة أسبوعيِّة، وإذا بدّك تعرف قيمة الدقيقة بتسأل حدا سبقتو الطيّارة، وإذا بدّك تعرف قيمة الثانية بتسأل شخص خلَّص من حادث سير، وإذا بدَّك تعرف قيمة عِشر الثانية بتسأل شخص ربح سباق الفورمولا!
الزوّادة بتقلّي وبتقلَّك :
«الوقت نعمة من الله هوّي نظَّمو واستفاد مِنّو، خلّينا ع مثال الله، ننظِّم أوقاتنا ونستفيد منها، هيك حياتنا بتكون كلها جمال وإفادة».
المصدر : صوت المحبّة
