الله معك...
بيخبرو عن بِنت زغيرة فاتِت لعَند الأبونا وكان عم يكتُب وعظة لقدّاس إحتفالي كبير.
قالِتلو :
«يا أبونا من وين بتجيب هالكلمات يَلّي بتقولا بالوعظة؟»
جاوبها الأبونا :
«يسوع بيوَشوِشني ياها !»
ردِّت البِنت بكِلّ براءة :
«طيِّب ليش شايفِتَك عم بتشَخِّط كَمّ كلمة من هالكلمات؟»
الزوّادة بتقلّي وبتقلَّك :
«ما بيكفّي تكون مسيحي بالإسم وتقول إنَّك عم تتبع نهج المسيح بينما بأفعالَك بتكون عم تشخِّط وجود المسيح من حياتك، وما عم تنقلو لغيرك».
المصدر : صوت المحبّة
