الله معك...
بيخبرو عن مُحرِّر بجريدة، إنتقَل من صفحة التسلية لصفحة الحوادث، بعد فترة إنطلَب مِنّو يرجع لوظيفتو الأصليِّة رفض وقال :
«ضَحِّك الناس شغلة كتير صعبة، وما في أهون من إنّي زَعِّلهُن».
مظبوط، شو هيِّن يغرق الإنسان بالحزن، وشو حلو إذا بيضحك من قلبو.
الزوّادة بتقلّي وبتقلَّك :
«البسمة بتريحَك وبتريِّح الشخص يَلّي مقابيلَك، فِكّ عقدة حواجبك، زراع الضحكة ع شفافك والدني كِلّا بتتغيَّر... يا إله الفرح حطّ فرحَك بقلوبنا تَ نِنقُل صورتَك الحلوة لكِلّ إنسان منلتقي فيه ع دروب الحياة».
المصدر : صوت المحبّة
