الله معك...


بيحكوا عن إمّ كانِت عم تقطع الطريق مع بنتها الزغيرة، وكان في سيّارة مرقت بسرعة مش معقولة.

وفجأة... بيطلع قدّام السيّارة صبي بنصّ الطريق، جرَّب السايق يدعس ع الفرامات، حَتّى قِدِر بالآخر يوقِّف السيّارة، وخلِّص الصبي.

بتقول البنت لإمها :

«نشكر الله في فرامات بالسيّارة، وإلّا كان الصبي مات»

بتقلها الإمّ :

«أكيد يا بنتي، لازم نشكر الله ع الفرامات، وخصوصًا يلّي ربنا حطها لَلْساناتنا، وإلّا كلّ يوم، كان في كتير ناس بيموتو».





الزوّادة بتقلّي وبتقلَّك :


«لولا ما منستعمل فرامات لَلْساناتنا، كِنّا منقتل عدد كبير من الناس».

المصدر : صوت المحبّة