الله معك...
سأَل شَبّ الأبونا اللي بضَيعتو :
«بشو بتشَبِّه علاقِتنا بالله؟»
قَلّو الأبونا :
«هالعلاقة بتِشبَه خيط بيوصَل بيننا وبين الربّ، كلّ ما وقعنا بالخطيِّة بينقِطِش الخيط، بس لـمّا منتوب بيِرجَع بيِنعِقِد مِن جديد، وهَيك مِن عقدِة لعِقدِة بيِقصَر الخيط ومنُقرَب من الله أكتَر !»
الزوّادة بتقلّي وبتقلَّك :
«ما تخافو إذا خطيتُو، يسوع ما إجا أصلاً كرمال الأبرار، إجا كرمال الخطأة! وبيَعرِف إنّو الإنسان ضعيف، ودايماً ناطرنا نِرجَعلو، متل الإبن الشاطِر ما تخَلّوه يطَوِّل بالنَطرَة». والله معك.
المصدر : صوت المحبّة
