الله معك...
إجا مرَّة الخنزير عند البقرة عَم يشتِكي :
«الناس بيضَلُّن يِحكو عن منيحِك وطيبتِك، صحيح إنِّك بتَعطيهُن الحليب، إنَّما أنا بَعطيهُن اللحم وحتَّى إجرَيِّي بيِقدَرو يستَفيدو مِنُّن، ما حدا بيحِبّني، ليش؟»
فكَّرِت البقرَة لحظة وقالِت :
«يِمكِن لأنّي بَعطيهُن وبَعدني عايشِة إنتَ ما بتَعطيهُن إلّا لـمّا بتموت».
الزوّادة بتقلّي وبتقلَّك :
«كَتِّر مِن أعمالَك الصالحَة بحياتَك، لَيكون إلَك كنز بالسما بعد مَماتَك». والله معك.
المصدر : صوت المحبّة
