الله معك...
خبريِّتنا اليوم عن النحّات الشهير مايكِل أنجلو اللي زارو شخص بالوقت اللي هوّي عَ وَشَك الإنتهاء مِن إحدى مَنحوتاتو.
وبتاني زيارة لأنجلو، تعجَّب الزايِر لمّا شافو بعدو عم يشتِغِل بذات التمثال.
وسألو بتَعَجُّب :
- أكيد ما كِنت كِلّ هالفترة عم تِشتِغِل بهالتمثال !
وجاوبو أنجلو :
- مبلى.
كِنت عَم بشتغل فيه كِلّ الوقت !
كِنت عَم نَقِّح هالجهَّة ! ونَعَّمت قُسم مِن الوِجّ.
ونفَّرت الشفاف شوَي، وبَيَّنت عضلات الإيدَين والإجرَين، وكِنت مِنهِمِك بوَضع اللمسات الأخيرة للتمثال.
قَلّو الزاير :
- لكن، بيِتهيّألي إنّو هالتفاصيل الزغيرة مِش مهِمِّة إطلاقاً، لا بَل بالنِسبِة إلي هيِّ تافهَة جِدًّا.
ساعِتها، اتطَلَّع فيه مايكل أنجلو وجاوَبو :
- بالنِسبِة إلَك، هيدا أمر تافِه، لكن بالنِسبِة إلي، هالتفاصيل التافهَة هِيِّ حَجَر عَثرة بطريق الكمال.
- والكمال مَنّو تافِه أبداً.
وزوّادة اليوم بتسألك :
إنتَ شو بَدَّك : حياة عاديِّه، مِتِل الكِلّ، وماشي حالها، ومعقولة، ومليانِة بالتفاصيل الزغيرة اللي بعد بَدّها شِغِل؟ أو حياة ما عَم بتوَقِّف الشغل فيها، لأنَّك ما رح تِقبَل بأقَلّ مِن الكمال؟
المصدر : صوت المحبّة
