الله معك...
بيخَبرو عن صبي كان معو مرض السرطان، وبعد ما خضَع للعلاج صار بلا شَعر.
نهار يَلّي بَدّو يُطلَع فيه من المستشفى، كان كتير عتلان هَمّ كيف بَدّو يقابِل رفقاتو بالصَفّ وهوّي بلا شَعر.
لـمّا وُصِل ع البيت كان في عتمة، ولـمّا إمّو ضوِّت الضَو كانِت المُفاجأة... رفقاتو بالصف ناطرينو عم بيغَنّولو ويهنّوه بالسلامة، وكِلُّن كانو متلو... حالقين شعراتُن !
الزوّادة بتقلّي وبتقلَّك :
«الصديق الحقيقي هوّي يَلّي بيكون حدَّك بأفراحَك وأحزانَك، هوّي يَلّي بيِفرَح لفَرَحَك، وبيِحزَن لحُزنَك... تذكَّر المَتَل يَلّي بيقول الصديق وقت الضيق». والله معك.
المصدر : صوت المحبّة
