الله معك...
بيخبرو عن رجّال كان قاعِد بالحديقة العامِّة وعم يتأمَّل لبعيد، ويشوف الناس، مِنُّن عم يعملو رياضة، مِنُّن عم يتمشّو، ومِنُّن عم بيطالعو... وبلحظة بيحِسّ بزعل كبير لـمّا بيشوف من بعيد، سِتّ حلوة كتير بتمشي متل الطاووس، ما كان قادر يشوف ملامح وجها، بسّ تأسّف على جمالها لـمّا قارنها بمرتو، وشافها قرَّبِت صوبو وحاملي ع إيدها طفل زغير، قدّام هالمشهد ما قِدِر إلاّ يحسد زوجا عليها...
وقدَّيش خِجِل من حالو، لـمّا قعدِت هالمرا حَدّو وإكتشف إنها مرتو.
الزوّادة بتقلّي وبتقلَّك :
«ما لازِم نضيِّع كلّ وقتنا بإنتقاد غيرنا، لأنّو بهالطريقة ما بيعود فينا نكتشف الإشيا الحلوة يلّي عندُن، وهيك منبطِّل نحبُّن».
المصدر : صوت المحبّة
