بيخبرو عن شجرة بجنينة بلَّشوا اوراقها يصّفَرّوا و عتلانة همّ تيبس لأنّو الدني ما عم تشتّي و هيّي معوَّدة متل هالإيام ما يكون هيك!
صارت تصلّي و تطلب من الربّ يساعدها... تاني يوم انتبهت إنّو تحتها في نبع مَي ما كانت منتبهتلو و كانت عتلانة هم عالفاضي و فهمت إنّو الله مش تاركها و إنّو لو الشغلة اللي هيّي بحاجتها إجت من غير مصدر اللي هيّي معوَّدة عليه بس بالآخر النتيجة نفسها :
الربّ استجبلها صلاتها!
الزوّادة بتقلّي و بتقلَّك :
و نحنا اخوتي متل هالشجرة... فكروا فيها كم مرّة قلتوا الربّ ما عم يردّ عليّي و مش سامعني و أنا بحاجة لهالشغلة و بعدين لمّا تتطلَّعوا لَوَرا بتقولوا الحمدالله كان هالموضوع لخيرنا... الربّ ما بيفكِّر متلنا، آمنوا بحكمتو و صلبوا إيدكُن عا وجكُن و سلموه اليوم و كل يوم. والله معك...