بيخبرو عن مدينة كانت تسكنها كلّ القيم، من الصبر، للرجاء، للصدق، وللإيمان... وكان في قصر كبير عالي، ساكن فيه النور، وكلّ القِيَم كانت بتلجألو وقت الضيق.
وبيوم من الإيّام، دخل خوف كبير على المدينة... خفنا من بكرا، من الفقد، من الفشل، من الموت.
وهربت كلّ القيم واختبأت، ما عدا وحدة... "الثقة بالله"، ضلِّت واقفة بوسط الساحة، رافعة عيونا للسما، وعم تدعي.
إجِت باقي القِيَم وصرخِت :
"إنتِ مجنونة؟ ما شايفة شو عم بيصير؟"
ردِّت بهدوء :
"شايفة... بس واثقة إنّو الله شايف أكتر."
كل القيم رجعِت لعتمتها، ما عدا الرجاء، ضلّ حدّ "الثقة بالله".
وقال :
"أنا كمان بدّي إبقى، لأنّو من دونك أنا ولا شي..."
ومن يومها، بتقول الحكاية، إنّو لمّا بتهجم علينا المخاوف، ما في شي بيحمينا قدّ ما بتحمينا الثقة بالله، وبتعلِّمنا نطَّلَّع لفوق، مش حوالينا.
الزوّادة بتقلّي وبتقلَّك :
«ثِق بالله، ولو ضاعِت كِلّ الطُرُق... لأنّو الطريق الوحيد يلّي ما بينقفل، هوّي الطريق لعندو».
