الله معك...
بيوم من الإيّام، في شبّ خالف قانون السير وما وِقِف ع الإشارة الحمرا، بيقِلّو الشرطي :
«ما شِفت الإشارة الحمرا؟»
جاوَب الشبّ :
«مبلى بس ما شِفتَك إلَك!».
ونحنا متل هالشبّ بحياتنا اليوميِّة، ما منوقف ع الإشارة، لأنّو بتهمنا السلامة العامِّة وبيعنينا إحترام القانون، بالعكس منعمل كل هالشي لأنّا منخاف من الضبط... وهيك مع الله منطبِّق الوصايا، أحسن ما نتقاصص ونخسر الملكوت منساير كرمال مصلحة، منسكت حتَّى يتستَّر علينا، وإذا حكينا منحكي حتَّى يزقفولنا.
الزوّادة بتقلّي وبتقلَّك :
«إجا الوقت نعيش ونشتغل عن قناعة... نحِبّ عن ثقة... ونصلّي عن إيمان».
المصدر : صوت المحبّة
