الله معك...
زوّادة اليوم زغيري كتير، بس مفعولها كتير كبير، هيّي متل الخميرة، حبتَين وبيتخمَّر كلّ العجين.
هالخميرة هيّي البسمة... ما بتكلّفك شي ولا بتفقّرَك، بس إذا عطيتها بتغني غيرك... ما بتاخُد شي من وقتك، بس بتخلّي وقت غيرك يصير أحلى... ما بتتعبَك، بس بتريِّح غيرك...، وين ما كِنت وكيف ما كِنت تذكَّر، ببسمة بتِقدَر تغيِّر كلّ شي.
الزوّادة بتقلّي وبتقلَّك :
«إذا بدَّك تاخُد بسمة من إنسان حزين ما تكون بخيل، أعطي ياها». والله معك.
المصدر : صوت المحبّة
