الله معكن...

بيخَبرو عن نملِة لونها نُصّ أحمر و نُصّ أسود عايشِة بمَملَكِة النّمِل الأحمَر.

قاموا اجتَمَعوا و قرَّروا يِنفوها خلّيها تروح عا مملكة النمل الأسود ما زال جزء من لونها مِتلُن.

زِعلِت كيف تَرَكِت عَيلِتها و أصحابها و فَلِّت.

بس وُصلِت لهَونيك كمان ما استَقبَلوها !

هالنملِة تعرَّضِت لأبشَع أنواع التمييز و العُنصُريِّة حسَب اللون !

راحِت عِملِت مملَكِة لإلها سكّانها كِلّ النَمِل المَتروك و صارِت من أهمّ ممالِك النمِل !

الزوّادة بتقلّي وبتقلَّك :

ما تِزعَل إذا انرَفَضِت بِمُجتَمَعَك لأنَّك ما بتِشبَهو !

بالعكس، آمِن إنّو فيك توصَل و الله بيحُطّ إيدو مَعَك و بتحقِّق هَدَفَك.

ما تِقبَل حدا يكسرَك، إنتَ إبن الله و الربّ يرافقكن !

المصدر : صفحة Jesus My Lord