الله معك...
تخرَّج شبّ مِن مدرسة الطيران وراح يزور سِتّو مفتِخِر بِبَدلتو، مبسوط بشاراتو.
وفِرحِت سِتّو كتير كتير.
وغَمَرِتو بِفرح وإفتخار وقالتلو :
«يا تقبرني يا ستّي، أنا شايفة حالي فيك وباللي وصلتلّو ، وكتير مبسوطة كيف قدِرت تنجَح بدرسك وتصير طيَّرجي ، بس، يا ضناي، برضاي عليك، ما تطير وإذا طُرت أوعا تعَلّي».
الزوّادة بتقلّي وبتقلَّك :
نحنا قولك مش هيك؟
بدنا نعمل طِيَّرجيّي بَس ما بدنا لا نطير ولا نعلّي؟
بدنا نكون مسيحيّين، بس ما بدنا لا نحِبّ ولا نضَحّي؟ والله معك.
المصدر : صوت المحبّة
